雷允上六神丸与人丹的来历 作者、朗读 钱程 文字由岑然周根据钱程老师录音整理 作者简介由岑然周朗读

2022-06-10 06:58:04

雷允上六神丸与人丹的来历   

作者、朗读 钱程  文字由岑然周根据钱程老师录音整理   作者简介由岑然周朗读


今朝讲讲雷允上六神丸搭子人丹个来历。上海雷允上六神丸是大家比较熟悉个中成药，伊比油菜籽稍许小一眼，却是驰名中外，日本有种以八字胡子为商标个人丹，勒国外也享有盛名，但是侬晓得，六神丸搭子人丹个来历勿平常，讲起来，咸，当中还有段比较有趣个传说。康熙年间有一个叫雷允上个走访郎中，从江西来到苏州，勒观前街碰到一个草药摊，迭一年正好碰着瘟疫，交关人齐生疮，毛病越来越重，雷允上一看，哦呦，机会来了。所以就到昌门周王庙请了一班和尚道士吹吹打打，谢神托梦，拨了伊拯救百姓，凭伊多年来行医个经验，用麝香唠啥几味中药，就做成功一个小丸，声称是经过天人指点造成的，因为天人有的六路，所以就取名叫六神丸。咸，侬勿要看迭个药丸像油菜籽，疗效倒是蛮好个，清热解毒，消肿止痛，啥个口疮老疮一看就好，顿时只要用过个齐觉着好，所以就名传四方了。各地商人纷纷涌来用重金来购买，雷允上就此就发了财，勒周王庙弄口索价就开了一片叫雷允上中药店，生意越做越大，后来伊个后代勒上海开设了雷允上南号、雷允上北号，雷允上北主店，六神丸也经上海迭一个口岸销售到了东南亚，。阿拉现在讲讲六神丸哪能传到日本个，日本因为商人看到了伊个介好个神奇功效，赞的勿得了，六神丸是由神仙指点迭能一个讲法是勒说谎了，但是里头肯定有灵丹妙药个功能个，所以想方设法要拿六神丸个方子搞到手，伊来到中国，开始用重金购买方子，但是店主勒想，迭个是祖传秘方，我哪能好卖拨外国人，乃末日本商人一计不成又生一计，伊派了几个稍许懂医个中国通，也是日本人，来接近药店个账房先生，其实账房先生也勿晓得六神丸是哪能做出来个，因为六神丸专门做药个地方专门叫六神坊，迭间房间就叫六神坊，有店主自家配方，六神坊里向个人相互通气个，账房先生因为只晓得个大概，中国通又来到雷允上后门，观察伊拉到底进个啥货，从迭个上头来验证从账房先生此地讨得来闲话是真是假，经过一番苦心，中国通总算摸清爽了制造六神丸个几味药，乃末日本人是如获至宝，马上就着手配置，但是有勿晓得每味药个剂量搭子制造工艺，经过无数次试验，药丸造来造去造不出像油菜籽介小，总归是老大个，功效却没六神丸介好，乃么日本商人没办法只得作罢，好勒药丸是有一定药用价值个，所以伊就命名为叫人丹，勒日本出售，从此日本歌人丹就出门了，但总勿及六神丸名震海内外。

 

作者、朗读者钱程简介：上海滑稽剧团副团长，国家一级演员。中国曲艺家协会理事，上海曲艺家协会副主席，上海戏剧家协会常务理事，第五、六届、七届上海市文联委员，上海市第十届、第十一届、十二届政协委员，中国农工民主党上海市委委员、、文化工作委员会主任、上海市文广影视集团委员会主委。文字由岑然周先生根据钱程老师语音整理！

 


轿车和出租车 作者、朗读 钱程  文字由岑然周根据钱程老师录音整理   作者简介由岑然周朗读


沪剧《大雷雨》人盼成双月盼圆 演唱 茅善玉 钱程 （语音文件由钱程老师提供）


大家在看
友情链接

Copyright © 2023 All Rights Reserved 版权所有 广西板蓝根冲剂联盟